«Мамандықтар әлеміне саяхат» танымдық іс-шарасы ұйымдастырылды

Балалардың әртүрлі мамандықтар туралы түсініктерін кеңейту және еңбекке деген қызығушылығын арттыру мақсатында «Мамандықтар әлеміне саяхат» атты танымдық іс-шара ұйымдастырылды.
Іс-шара барысында балалар дәрігер, аспаз, тәрбиеші, құрылысшы, өрт сөндіруші, полиция қызметкері және басқа да мамандықтармен танысты.
Балалар мамандардың атқаратын қызметтері туралы әңгімелесіп, мамандықтарға байланысты сюжеттік-рөлдік ойындар мен қызықты тапсырмалар орындады.
Ойын барысында балалар өздерін әртүрлі маман иесі ретінде елестетіп, еңбек құралдарымен танысып, олардың қызметін бейнеледі.
Іс-шара балаларды еңбекті құрметтеуге, әр мамандықтың қоғамдағы маңызын түсінуге және болашаққа қызығушылықпен қарауға тәрбиеледі.
«Мамандықтар әлеміне саяхат» балалардың танымдық белсенділігін арттырып, әр еңбектің өзіндік маңызы бар екенін түсінуге мүмкіндік берген қызықты әрі мазмұнды іс-шара болды.