Эстафета барысында балалар мен ата-аналар бір команда болып, түрлі спорттық сайыстарға қатысты. Қатысушылар белгіленген ережелерді сақтап, кезек күту, бір-біріне көмектесу, командаласын қолдау және әділ жарысу қағидаларын басшылыққа алды.
Жарыс кезінде әр отбасы ұйымшылдық пен белсенділік танытып, ережені сақтау – кез келген ортақ істің маңызды бөлігі екенін іс жүзінде көрсетті. Балалар үшін бұл іс-шара «заң мен тәртіп» ұғымын күнделікті өмірдегі қарапайым әрекеттермен байланыстырып түсінуге мүмкіндік берді.
Іс-шара нәтижесінде балалардың қимыл-қозғалыс белсенділігі артып, командалық жұмыс, жауапкершілік, тәртіп сақтау және өзара құрмет дағдылары қалыптасты. Ата-аналардың да балабақша өміріне белсенді қатысуы отбасы мен балабақша арасындағы байланысты нығайтты.
«Отбасылық эстафета» – тәртіпке баулитын, отбасылық бірлікті арттыратын және салауатты өмір салтын насихаттайтын жарқын іс-шара болды.