Қобда  елінің  азаматы  кәсіпкер Исламбек Салжанов 1969 жылы 6 қазанда Ақтөбе облысында дүниеге келген. Оның балалық шағы осы ауданның бұрынғы Брусиловка, қазіргі Қаракемер ауылында өтті. Осында туып-өсті. Кейін Қызылжар орта мектебін бітіргеннен кейін Ақтөбе мемлекеттік медицина институтына түсіп, жоғары білімді емдеу ісі дәрігері мамандығын алып шықты. Болашақ кәсіпкер Исламбек Салжанов институт қабырғасында жүргеннің өзінде-ақ бизнеске жақын болған.Бұл оның бойындағы кәсіпкерлікке деген қызығушылықты   дамытуға себепші болады. Сөйтіп, үлкен кәсіпкерлікке қадам жасауға бекінеді. 2004 жылдан бері «Алтын қыран» компаниялар тобының құрылтайшысы және бас директоры болып жұмыс істеуде. Мемлекеттік және қоғамдық белсенді қызметі, еліміздің экономикалық-әлеуметтік және мәдени дамуына, халықтар арасындағы достық пен ынтымақтастықты нығайтуға қосқан үлесі үшін ол «Құрмет» орденімен, бірнеше медальдармен, «Білім меценаты-2012» алтын медалімен және дипломмен марапатталған, «Компания-2011» номинациясында қайырымдылық бойынша «Алтын жүрек» жыл сайынғы Ұлттық Қоғамдық сыйлықтың, Қазақстандағы «Кәсіпкер-2012» халықаралық конкурсының «Экономикалық интеграцияны дамыту» номинациясының жеңімпазы болды. Сондай-ақ, «Алтын қыран» қайырымдылық қорының құрылтайшысы және президенті болып табылады.   Исламбек Салжанов өз қаражатына зәулім сарайды тұрғызып, жаны жомарт азамат ел игілігі үшін жасаған осы балабақшаны мемлекетке еш өтеусіз  сыйға тартты.